Retomamos a informaci\u00f3n previa a cada xornada co que ser\u00e1 sen d\u00fabida o gran partido desta fin de semana. Visitamos unha cancha na que nunca vencimos, a do Burela, no rec\u00e9n bautizado Derbi das Costas, nome mediante o cal po\u00f1emos un pouco de picante nas afecci\u00f3ns cunha rivalidade entre a Mari\u00f1a Lucense e as R\u00edas Baixas.<\/p>\n
Probablemente cheguemos a este cl\u00e1sico da liga no momento indicado para asaltar Vista Alegre. Empatados a puntos co equipo burel\u00e9s, a\u00ednda que por detr\u00e1s debido \u00f3 golaverage, s\u00f3 o Futsi puido vencernos. Doce vitorias consecutivas \u00e9 a nosa xeira actual, a mellor da nosa historia, a un s\u00f3 enfrontamento de pechar unha primeira volta de campionato case perfecta. O \u00fanico aspecto negativo foi a eliminaci\u00f3n da Copa da Ra\u00ed\u00f1a, precisamente ante o conxunto de Navalcarnero. En Copa Galicia tam\u00e9n haber\u00e1 derbi contra o Burela en semifinais.<\/p>\n
Por parte da escadra de Julio Delgado, baremos id\u00e9nticos \u00f3s nosos, vencendo todos os seus duelos menos na visita \u00f3 equipo de Andr\u00e9s Sanz. En goles, anotaron 77 e recibiron 25, mentras que n\u00f3s sumamos 50 a favor e 14 en contra. Esa p\u00f3lvora coa que contan de cara \u00e1 porter\u00eda contraria toca contrarrestala coa nosa efectiva defensa, que ten unha media de encaixar un \u00fanico tanto por partido.<\/p>\n
Pese \u00e1 previsible igualdade, a historia \u00e9nos esquiva. Nas nove visitas ligueiras \u00e1 Mari\u00f1a Lucense unicamente logramos un punto, na tempada 2016 – 2017. Ademais, en dita pista imped\u00edronnos sumar a Supercopa de Espa\u00f1a do curso 2019 \/ 2020, xusto despois de arrebatarnos tam\u00e9n a Copa na final de M\u00e1laga. No noso haber, dous triunfos: un en liga na campa\u00f1a 2016 \/ 2017 e outro na final da Copa Galicia de 2018, a segunda que nos levamos \u00e1s nosas vitrinas.<\/p>\n