Nos IV Premios Fútsal Córner outorgouse o de mellor porteira da campaña 2023 / 2024 á nosa Elena. Que mellor maneira de celebralo que anunciando a súa renovación.

Elena González de Pablos (Segovia, 01/01/1999) será vermella por terceira tempada. O seu rendemento non pasa desapercibido para ninguén tras participar en 30 partidos de 40 posibles, 28 como titular, nos que encaixou un total de 51 goles (44 en liga, incluíndo o playoff). Incluso deu 3 asistencias. Na Copa da Raíña non dispuxo de minutos, mentras que xogou integramente a Supercopa (recibiu 3 tantos) e tivo minutos en todos os duelos de Copa Galicia (encaixando catro goles).

As redes quedan baixo a túa supervisión, Elena!