A figura de capitá acapara maior atención na tempada que vai comezar. Coa nova norma, será a única xogadora que poderá dirixirse ó árbitro, sempre con xeito e respecto, así como, no caso contrario, recibirá as explicacións precisas polo colexiado máis preto sobre un incidente reseñable do xogo. Calquera outra futbolista que interactúe cos xuíces poderá ser amonestada.

As nosas tres capitás son, ó igual que no curso anterior:

• Irene García: a principal. Sétima campaña na entidade conserveira ós seus 24 anos e a segunda neste posto de referencia.
• Martita: cuarta tempada seguida no club (a que máis, por detrás de Irene e igualada con Anna). Certo é que, sen contar cursos consecutivos, a de Sabadell vai polo quinto e Ale de Paz, polo sexto.
• Elena Aragón: terceiro ano como vermella para a de Chiclana, que se asenta sen dúbida entre ol grupo que chegou para reforzar o equipo nos que están sendo os nosos mellores rexistros.

O sábado debutaremos en liga visitando ó Gran Canaria FSF Teldeportivo. Ademais, lembrade que a campaña de abonados segue activa (aquí toda a información).