Luís Conceição, seleccionador portugués, anunciou a segunda convocatoria do ano do combinado luso. Nela repite a conserveira Carolina Pedreira, fixa no esquema do fútbol sala do país veciño.

A concentración arrincará o luns 16 de marzo e prolongarase ata o día 21. As subcampioas do mundo enfrontaranse a España (bronce mundialista) en dous partidos de carácter amigable na localidade de Fafe. Serán nos días 19 e 21. En ditos encontros, Pedreira será rival de Èlia, Martita e Elena, convocadas por España.