Miriam Esteban Sastre (Nava de la Asunción, Segovia, 19/12/2006) continuará o seu crecemento no noso club durante dous anos máis, polo que acadará as catro tempadas como conserveira.

Miri, que ocupa a posición de ala, estivo inmersa na pasada campaña na recuperación da súa rotura do ligamento cruzado anterior, da que foi operada en xuño de 2025. Anteriormente, no seu primeiro ano en Poio, xa acumulara os seus primeiros minutos e fora convocada coa Selección Española sub-19, coa que precisamente sufriu a lesión.

Aínda que non chegou a participar directamente sobre a pista, si foi convocada co resto do cadro de xogadoras nos catro últimos partidos da tempada 2025 / 2026.