Breve foi o paso de Angela Guimarães no conxunto vermello. A brasileira, que contou con poucos minutos no seu paso polas nosas filas, alcanzou un acordo coa directiva para poñer fin á súa relación coa entidade conserveira e voltar ó seu país.

Anunciada oficialmente o 14 de febreiro deste mesmo ano, a súa fichaxe xestouse pasando un mes a proba adestrando co resto da plantilla. Foi convocada entre as xornadas 17 e 23 de liga, así como nos oitavos de final da Copa da Raíña en Zaragoza na volta de semifinais da Copa Galicia ante o Cidade de As Burgas.

Desexámoslle toda a sorte no seu futuro e que, a pesares de ser tan só tres meses, a súa estancia en Poio lle fose o máis proveitosa posible!