Pasan as tempadas e Luis López-Tulla non para de rachar récords no noso club malia cumplires todavía 30 anos. O seu rendemento e adaptación a Poio elévano ó máis alto nivel, demostrándoo tanto na competición como no día a día. A última marca que bateu é a de sumar 100 partidos dirixindo ó noso club na Primeira División española, entre liga regular e o playoff polo título.

Luis chegou a esta cifra na pasada xornada, celebrándoo cun contundente triunfo por 1 – 5 en Alcantarilla. Por detrás del quedan Marcio Santos (90) e Manu Cossío (54). Precisamente, se todo flúe con normalidade, Luis arrebatará ó técnico brasileiro o título de máis enfrontamentos en xeral no banco vermello(130 de Marcio polos actuais 120 de Luis).

Así transcorre a bagaxe actual do “enxeñeiro” madrileño:

• Liga regular: 95 partidos (57 triunfos, 19 empates e 19 derrotas).
• Playoff título de liga: 5 partidos (1 vitoria e 4 derrotas).
• Copa da Raíña: 9 partidos (5 triunfos, 1 empate e 3 derrotas).
• Supercopa de España: 3 partidos (1 empate e 2 derrotas).
• Copa Galicia: 8 partidos (5 vitorias, 1 empate e 2 derrotas).
• Total: 120 partidos (68 vitorias, 22 empates e 30 derrotas).

Parabéns, míster, por seguir superando récords connosco!