Semana con dobre compromiso a que ten por diante o equipo. O primeiro paso toca dalo este martes ás 21:15 horas, momento no que iniciaremos a nosa andaina na Copa da Raíña na pista do Almagro FSF, de Segunda División.

Dúas vitorias e un empate no que vai de liga sitúanos na segunda posición, tras superar o pasado sábado por 4 – 0 á AD Ceuta (conxunto que ascendeu a Primeira tras gañar, precisamente, ó Almagro na final do playoff). Para o duelo copeiro contamos con todas as futbolistas agás Miri e Noelia Montoro.

O noso rival avanzou en primeira rolda da Copa da Raíña (integramente entre equipos da categoría de prata) ó impoñerse por 3 – 0 ó CD Salesianos Puertollano. En liga disputaron a primeira xornada recentemente, con triunfo por 0 – 1 en casa do San Fernando. Como sinalou Luis en rolda de prensa, é un dos equipos punteiros para buscar o ascenso a Primeira, que levan rozando varias tempadas.

Se a hemeroteca non nos falla, é o primeiro enfrontamento oficial entre ambos clubes.

Foto de Débora Braga.