O partido da xornada, que cada sábado se retransmite en directo por Teledeporte, recae esta vez na Seca, onde recibiremos ó terceiro clasificado, o Torreblanca Melilla (sábado, 11h).

Pola nosa parte, dúas derrotas seguidas acumulamos en liga (Futsi e Ourense), polo que temos que reverter esa situación para seguir pelexando o playoff polo título. Entre semana, conseguimos o pase a oitavos de final da Copa da Raíña tras gañar por 0 – 7 ó Penya Esplugues de Segunda División (visitaremos ó Alcorcón na seguinte eliminatoria). Sen novidades na lista de convocadas, na cal se mantén a baixa de Anna Escribano.

O conxunto de Morenín, ex adestrador do Poio, é un dos favoritos para os títulos deste curso. Encabeza a liga xunto a Futsi e Burela nun prodigado grupo líder. No seu caso, con 30 puntos (10 vitorias e 1 derrota, en Vista Alegre). Con 54 goles a favor case promedian 5 por encontro, destacando con 11 tantos Bia, 10 para Amandinha e 9 para Ana Luiza. Recibiron 21 goles, 3 máis que nós, deixando en 2 ocasións a súa portería a cero.

Oito son os enfrontamentos rexistrados con anterioridade ante o equipo norteafricano. A bagaxe: 3 vitorias conserveiras, 3 empates e 2 triunfos melillenses. Na Seca imos alternando entre empate e vitoria (2 – 1 foi o último resultado).