A máis veterana do equipo, que estreou capitanía no curso pasado, alonga polo menos un ano máis o seu ciclo no club. Irene García de Vega (Valladolid, 9/1/2000) vai pola súa sétima campaña nas nosas filas.

A pucelana disputou os 39 partidos nos que foi convocada (tan só se perdeu o primeiro de Copa Galicia), sendo titular en 7 deles. A súa coraxe foi chave na remonta do equipo na segunda volta da tempada, contaxiándoo ás súas compañeiras e destacando no aspecto goleador pese a desempeñarse como peche. De feito, rematou con 10 goles (cuarta máxima anotadora do vestiario), 9 en liga e 1 en Copa Galicia, e 4 asistencias. No curso anterior firmara 3 tantos e na 2022 / 2023, 5.

Seguiremos levantando títulos, capi!