A máis nova do equipo renova e cumprirá a súa segunda tempada en Poio. Miriam Esteban Sastre (Nava de la Asunción, Segovia, 19/12/2006) seguirá connosco, aínda que na próxima campaña estará inmersa no proceso de recuperación da súa rotura de ligamento cruzado anterior do xeonllo dereito.

No seu primeiro curso como conserveira e en Primeira División, Miri disputou 11 encontros da máxima categoría. Ademais, marcou un gol na vitoria en Copa da Raíña en casa do Penya Esplugues. Os seus números completos entre eses dous torneos, xunto á Supercopa e a Copa Galicia foron:

• Convocatorias: 30
• Partidos xogados: 12
• Goles: 1
• Tarxetas amarelas: 1