Fin de semana para seguir vivos en varias competicións ou, nalgún caso, para pechar a tempada oficial. Imos debullando resultados:

Sénior:

• Cun gol a falta de 15 segundos, Luci evitou a derrota ante o Melilla en Primeira División (2 – 2). O empate afástanos do liderado, agora a tres puntos, mentras o Burela colócase a só dous de nós.
• Derrota por 2 – 0 do filial en casa do Cidade de Pontevedra. Cun partido por diante, mínimas son as opcións de permanencia en Preferente, sobre todo despois do descenso en Segunda División doutro club galego, o 5 Coruña.
• Empate a tres goles do sénior masculino, tras un 3 – 0 a favor do Leis Pontevedra B, nun duelo directo pola fase de ascenso. O outro equipo involucrado, o Campito Chapela B, visitará A Seca nunha apaixoante última xornada na que o empate clasificaríanos para dito playoff.

Cadete:

• Non tivo competición o masculino A, ó que lle tocan cuartos de final de Copa Federación esta semana.
• Nova vitoria do masculino B en Copa Delegación, rematando primeiros do seu grupo e clasificando para cuartos de final.
• Derrota por 4 – 3 do cadete feminino na final de liga galega ante a Escola Futsal Morrazo. Para resarcirse quédalles a Copa, na que están en semifinais.

Infantil:

• Descansaba cos deberes feitos o masculino, xa primeiro de grupo na Copa logo de gañar os seus dous partidos.
• Tampouco puido alzar o título de liga o infantil feminino, superado por 4 – 1 contra o Viaxes Amarelle na final. Ó igual que o cadete, todavía segue competindo na Copa, en semifinais.

Alevín:

• Descanso en Copa para o alevín A, tamén primeiro de grupo, como o infantil. Aproveitou para desputar un amistoso co Marín Futsal, que venceron os branquiazuis.
• Triunfo para pechar a tempada do alevín B contra La Peña. O terceiro posto no grupo non permite seguir na Copa, polo que a competición oficial remata esta campaña.

Benxamín:

• Punto final do curso tamén para os benxamíns, que caeron en casa ante o Marín Futsal, quedando eliminados da Copa.

Prebenxamín:

• Vitoria do prebenxamín A ante a A.D Sagrado B. O terceiro chanzo no grupo A da Copa non permite avanzar, finiquitando así o ano de competicións.
• Idéntico sendeiro para o prebenxamín B. Gañou ó SCD Salcedo e acaba terceiro no grupo B de Copa.

Biberón:

• Descanso para o biberón A, que finaliza primeiro de grupo no torneo copeiro e avanza a semifinais.
• Vitoria agridoce do biberón B ante o SCD Salcedo, posto que queda eliminado da Copa e acaba así a súa tempada.