Volvemos ter a todos os equipos a pleno rendemento tras dúas xornadas con varios paróns. O infantil masculino, único conxunto que non xogou, ó tocarlle descanso por calendario.

Sénior:

• Empate no regreso da Primeira División á Seca fronte ó Alcorcón, co que seguimos segundas e igualamos a puntuación lograda no curso anterior, o noso récord na categoría, con oito xornadas por diante.
• Vital triunfo do filial ante ó Ribeiro do Avia en Lourido, que serve para escalar un chanzo na táboa e distanciar a este rival directo pola permanencia.
• Derrota do sénior masculino en casa do líder, AEV Morrazo, que é a segunda consecutiva e deixa ó equipo en terceiro lugar, pero con opcións de alcanzar ós primeiros todavía.

Cadete:

• Un punto apañou o Colexio Sek cadete masculino A contra A Paz FS. Terceira xornada consecutiva sumando e quedan máis preto de certificar o oitavo posto na liga.
• Si gañou o cadete masculino B, precisamente contra A Paz B, quedando a un punto de ser campión do grupo a falta de dúas xornadas.
• Abultada vitoria do cadete feminino contra a Balona Linense na súa estrea na fase de Copa.

Infantil:

• Mantén o pleno na Copa o conxunto feminino, que superou con contundencia ó Tui Futsal.

Alevín:

• Vitoria do Bocoi masculino A contra o Bueu B, coa que seguen empatados a puntos na cabeza da liga a falta de dous duelos por desputarse.
• Derrota pola mínima do alevín mixto B fronte ó CD La Peña. Este resultado deixa ó equipo cuarto, a falta dun partido.

Benxamín:

• Non puido puntuar o A3Nudos en Tenorio ante o Cotobade e será terceiro neste grupo 2 da liga regular.

Prebenxamín:

• Derrota do prebenxamín A en casa do Saraiba do Mar, líder do grupo con pleno de vitorias.
• Gañou o prebenxamín B como local ó Sagrado CF B, colista, mantendo así o terceiro escalón da competición.

Biberón:

• Duelo entre os nosos dous equipos que participan na liga. Venceu o Biberón A ó Colexio Sek, recordando o mérito de que son segundos e terceiros de liga, respectivamente.