O mes de marzo comeza con dez partidos para os equipos do club, menos do habitual debido ás xornadas de descanso e a un enfrontamento adiado. Así se resume a fin de semana:
Sénior:
- Vitoria en Primeira División para as futbolistas de Luis López-Tulla ante o colista, Teldeportivo. Chegan a este parón de liga (para a desputa da Eurocopa) en segundo lugar e rachan coa mala xeira de tres partidos seguidos sen gañar.
- Derrota pola mínima do filial ante o Fisober, un dos candidatos o título. Boas sensacións pese a non sumar, aínda que se cae ó penúltimo posto coa cuarta pérdida consecutiva.
- Triunfo do sénior no Príncipe Felipe fronte ó UD Estrada, último clasificado. Tras 21 xornadas, os nosos mozos sitúanse no primeiro chanzo.
Cadete:
- Derrota do masculino A na súa visita a Celanova, colíder da liga. Mantense en 9ª posición, pero a zona baixa aprétase máis.
- Descanso para o masculino B.
- Ampla vitoria do feminino ante o colista, Barro CF, coa que aseguran o primeiro lugar do grupo sur de Liga Galega a falta dunha xornada. Tras finalizala, xogarase a Copa e, por último, definiranse as campioas de Galicia entre os grupos norte e sur de liga. O noso rival en semifinais será o Viaxes Amarelle.
Infantil:
- Caeu por só un gol o infantil masculino en Carril ante o Salnés Futsal.
- Pleno de puntos para o infantil feminino nas dúas xornadas desputadas de Copa, ó superar esta vez ó Marín Futsal.
Alevín:
- Vitoria a domicilio do Bocoi alevín masculino A fronte ó Leis Pontevedra. Lideran, en solitario, este Grupo 1 da Liga Regular.
- No Grupo 2, descanso para o alevín mixto B.
Benxamín:
- Tamén tocou xornada de tranquilidade. O equipo é 3º, a tres puntos do líder.
Prebenxamín:
- Primeiros puntos para o prebenxamín A no Grupo 1 de Liga Regular tras vencer ó SCD Salcedo.
- O prebexjamín B superou na súa casa ó Cotobade e segue colíder do Grupo 2.
Biberón:
- Non houbo duelos para as nosas escadras máis pequenas. O biberón A adiou o seu partido fronte ó líder, Vilalonga, ó próximo xoves. Pola súa parte, o biberón B tiña xornada de descanso.