O mes de maio, decisivo no final de cada tempada, comeza cos seguintes resultados:

Sénior:

• Nova vitoria do feminino en Primeira División para seguir a un punto do líder. Fíxoo en casa do Roldán, onde non gañabamos dende 2017.
• Espectacular triunfo do filial cun gol no último suspiro ante o Viaxes Amarelle B, co cal se manteñen as opcións de permanencia en Preferente, pese a que os rivais directos tamén gañaron nesta xornada.
• Completa o pleno en categoría sénior o masculino, con tres puntos sumados fronte ó Pecheches. O equipo é terceiro, con tres puntos de vantaxe sobre o cuarto e quinto clasificados, que precisamente son os rivais que restan para rematar a liga e poder xogar a fase de ascenso.

Cadete:

• Estrea con vitoria para o masculino A na Copa Galicia en casa do CD La Peña. Avanzamos a cuartos de final, onde recibiremos ó Carballiño FS.
• Tamén gañou o masculino B, na segunda xornada na pista da Escola Futsal Morrazo. Están a un partido de certificar o primeiro posto de grupo na Copa Delegación.
• Empatou o cadete feminino no partido de volta da semifinal ligueira contra o Viaxes Amarelle, facendo valer o 0 – 1 da ida para meterse na final. Agarda a Escola Futsal Morrazo, o noso máximo rival no grupo sur de liga e que eliminou a penaltis ó FSF Castro lucense.

Infantil:

• Gran vitoria do masculino ante o Salnés Futsal para asegurar o primeiro posto no seu grupo e a clasificación á próxima rolda na Copa.
• Volveu vencer o feminino na volta de semifinais ó FSF Castro e desputará a final por ser campioas galegas de liga ante o Viaxes Amarelle.

Alevín:

• Triunfo do alevín A en casa do Bueu B co que certifican o primeiro chanzo no grupo C da Copa.
• Derrota do alevín B contra o Marín Futsal C que impedirá continuar na competición copeira.

Benxamín:

• Tocou xornada de descanso.

Prebenxamín:

• Caeu o prebenxamín A na cancha da ADFS Bueu e xa non poderá avanzar de fase na Copa.
• Mesma situación para o prebenxamín B tras perder pola mínima na súa visita ó CED Cotobade.

Biberón:

• Vitoria do biberón A fronte ó Salgueiriños CF. Ten que agardar o resultado do último partido para saber se avanza de rolda na Copa.
• Tocoulle descansar ó biberón B.