A partido único, coma local e contra o CD Burela. Así será o duelo de semifinais da XVI edición da Copa Galicia, definido tras o sorteo celebrado na tarde de onte en Santiago. A outra semifinal disputarana Viaxes Amarelle e Marín Futsal. Os enfrontamentos serán o 22 de febreiro.
Tras lograr o título na pasada campaña, o terceiro nas vitrinas vermellas, na actual tempada estreámonos con vitoria ante o CD Mosteiro Bembrive da Segunda División, no partido xogado en outubro logo de ser adiado na súa data inicial de setembro.
Pola súa parte, a escadra da Mariña venceu na rolda de cuartos de final ó 5 Coruña FS.