Coa tempada finalizada na canteira, faremos un pequeno resumo centrado nos catro galardóns que as nosas promesas engadiron ás vitrinas vermellas:

• Insta Mou Benxamín A: o equipo comezou a fase previa da liga pontevedresa cun terceiro posto que lle daba acceso ó Grupo 1 posterior, onde concluíron en cuarto lugar. Despois, no que respecta á Copa, alcanzaron a final e foron os subcampións. Sen dúbida, unha gran campaña.

• Colexio SEK Benxamín B: bo rendemento na fase previa de Pontevedra, coa mesma bagaxe de 4 vitorias e 2 derrotas que o Benxamín A e o terceiro chanzo na táboa. Ó non poder coincidir co noso outro equipo, foi encadrado no Grupo 2. Con 31 puntos de 36 posibles, conseguieron gañar esta liga. Sen embargo, en Copa, os penaltis evitaron o seu pase en oitavos de final (primeira rolda).

• Excavaciones El Molino Prebenxamín A: un total de 16 triunfos, 1 empate e 2 derrotas foron o resultado da excelente campaña que realizaron. Comezaron coa fase previa de Pontevedra, que remataron en primeiro lugar. A continuación, pleno de vitorias no Grupo 1 de liga, polo cal levaron o título e o pase ó Campionato Galego. Os penaltis volvéronse de novo en contra dos nosos intereses, evitando o pase á semifinal. Por último, en Copa, unha única derrota na fase de grupos privoulles de poder sumar outro trofeo.

• A 3 Nudos Biberón: os máis pequenos do club quedaron terceiros nunha liga na que contábamos con dous equipos. Despois, para a Copa presentamos un único combinado, que clasificou como segundo e entrou ás semifinais. A escalada mantívose e os biberóns proclamáronse campións.

Gran traballo de xogadores e adestradores, tanto destes conxuntos coma dos restantes que conformaron a ampla base do club conserveiro durante a recén ramatada campaña.

Nesta lista non contamos ó Sénior Femenino B, que foi campión de liga, logrando o ascenso a Preferente e que será quen peche a tempada o domingo 8 de xuño coa final de Copa.